أفراحى غريبة ..\\

يمّر العمر وأفراحي غريبه مالها عنوان
أناديها على دربي وأنا حزني يناديني

طويت فداخلي صفحة حزن من دفتر الحرمان
لقيت الوقت لو راح الحزن بالجرح يطويني

قضيت أيام بأحزاني غريق ومالقيت إنسان
وقف يوم الزّمان أسرف بجرحي وأعتنى فيني

يموت الدمع فعيوني وأجازي الدمع بالنكران
أخاف الدمع يفضحني وغابت للأسف عيني

غريبه قصّة أحزاني تعدّت حاجز الحسبان
على الدِّنيا سلامي دامها عيّت تصافيني

قفى نبكي على طاري الجروح وصفحة الأحزان
قفى يا دفتري وأوراق شعري فيك ترثيني

وداعي ! كيف أودعني ؟ وأسافر ؟ وألبس الأكفان
وداعي ! كيف من فيني يموت ومن يغطّيني !

شتات أكبر من إحساس الشتات وصدمة الخسران
أنا المقفي من الدنيا وأنا نفسي تعزّيني

عسى يالله تجزيني بموتي نعمة السلوان

طلبتك ساحة الفردوس يوم الحشر تجزيني

شكرا على الموضوع الرائع

وفي انتظار المزيد

» رموز غريبة على أغلفة أشرطة الأفلام والألعاب