نائر ونئير التقليد حتى فى الفساد (الحلقه السادسه)

السلام عليكم ورحمة الله وبركاته

الحقيقه محطتش نائر ونئير من زمان قولن احطها انهارده بقى


اكتر حاجة بيحب يعملها الانسان هى التقليد بس فى ناس بتقلد وهى فاهمة و مقتنعة وفى ناس تانية بتقلد عشان التغيير او الشعور بالاهمية او حتى عشان ناس تالتة تتكلم عنهم.فمثلا اللى بيسرح شعرة على جنب وبعدين يرجعه على ورا عشان بوستر جديد نزل السوق ده اكيد بيقلد . مع انه لو كان بيسرح شعره على ورا من صغره ما كنش هيحس بحاجة تشده فى البوستر اساساً.ده ببساطة لكن اسوأ حاجة التقليد كمان فى المعاصي و الفساد ,فكان مثلا ظاهرة شرب البيرة بين الشباب فى ليلة العيد اللى فاتت زايدة بشكل ملحوظ بس لمجرد انه يمسك ازازة لونها اخضر و يقف بيها فى اى حته يحس انه عامل دماغ جديدة طبعا فى ناس عملت كده تقليد انما للحق برضو فى ناس عملت كده عشان تحس بالتغيير لانهم زهقو من المخدرات قبل كل عيد..


لو تخيلنا حوار بين شابين واحد كويس والتانى يعنى انتوا عارفين


ونسميهم نائرونئير ودة طبعا لعدم اتفائهم



تيجوا نشوف هيعملوا اية>>>>>>>>







نئير :صباح الخير يانائر.



نائر(و يبدو عليه اثار الكيف واضحة جدا):صباح واحتة ودلع وكلام واحد خلع والتانى نام .



نئير : ابه ده انت مبلبع ايه على الصبح كده .

نائر(وهو يتمايل ):مبلبع المحيط الهندي و الصيني واليابانى ,ويانى يانى يانى مش هعمل كده تانى.

نئير :انت عملت فى نفسك ايه .؟ وكنت فين طول الليل امبارح



نائر : انا كنت مع أصحابي.. صُحاب السور حمادة نايلون و عماد دبور.



نئير : قوم اغسل وشك بشوية ماية وفوق وانت بتكلمني , انت فى البيت مش لسة فى البتاعةاللى جنب السور .

نائر : بيت العز يا بيتنا على بابك ازازتنا .



نئير : ازازة ايه ؟؟



نائر : اصل انا شربت امبارح لأول مرة فى حياتى ازازة بيرة .من الخضرة عارفها ؟؟



نئير : يانهارك مش فايت .. انت اتجننت .... وهو انا برضو هاعرف الحاجت دى


.

نائر : صحيح مانت طول النهار فى البتاعة دى اللى اسمها الكلية لحد ما ظهرك اتني من المذاكرة و عينيك احمرت من الدح .



نئير : سيبك منى وخلينا فى المصيبة بتاعتك انت .ازاى تعمل حاجة زى دى انت مش عارف ان الخمرة حرام .



نائر : طب بس شربت بيرة .



نئير : طب ماا هى خمرة .



نائر (وهو مسطول): انا ماكنتش اعرف .




نئير : إنها خمرة ؟.

نائر : لا ..انها حرام !!!



نئير : لا انت مش فى وعيك خالص ادخل نام و نبقى نقعد نـتحاسب بعدين .



نائر : هات الازازة واقعد حاسبنى دى ....

نئير : لا حول ولا قوة الا بالله ..حسبي الله ونعم الوكيل انا كنت عارف ان آخرة ماشيُه مع الشلة الفاسدة دى كده . طبعاً من كتر ما بيشوفهم بيعملوا لازم يقلد ؟؟؟؟