ويل لكل همزة لمزة

بسم الله الرحمن الرحيم
بعد الحمد والشكر والثناء لله رب العالمين .
اول حاجة بحمد ربنا وبشكره انى مسلم .. لانى فى الاسلام لقيت الراحة النفسية والسعادة الابدية .
ربنا سبحانه وتعالى نهانا عن الظلم وعن الطغيان وحذرنا ونهانا عن الغيبة وعن النميمة .
واحنا برده لسه مصممين نجرح فى بعض ونذم فى بعض ونغتاب بعض والنميمة لسه موجودة بينا ، والغيبة لسه فى لسانا .
ونسينا يوم تشهد عليهم ألسنتهم وأيديهم وأرجلهم بما كانوا يعملون .
قال ربنا عز وجل : اليوم نختم على أفواههم وتكلمنا أيديهم وتشهد أرجلهم بما كانوا يكسبون .
ربنا سبحانه وتعالى صور لينا اللى بيغتاب اخوه بابشع صورة عارفين ايه هيه ؟؟؟!!
ربنا شبهه باللى بياكل فى لحم اخوه وهوه ميت .
شايف ياللى بتغتاب فى اخوك ؟؟؟!!
يعنى كإنك بالظبط بتاكل فى جثة اخوك وهوه ميت .
قال الله تعالى : أيحب أحدكم أن يأكل فى لحم أخيخ ميتا فكرهتموه واتقوا الله إن الله تواب رحيم .
ياترى هتقول صدق الله العظيم ولا عندك شك فى الآية القرآنية دى ؟؟؟؟؟!!!
لو قلت صدق الله العظيم يبقى انت مؤمن ومتأكد إن الغيبة والنميمة حرام .
طيب هتفضل لغاية امتى بتغتاب اخوك ؟؟؟!!
بتكره اخوك ؟؟؟؟!!!
بتحقد على اخوك ؟؟؟؟!!!
ربنا سبحانه وتعالى قال : ويل لكل همزة لمزة .
رسولك الكريم صلى الله عليه وسلم قال : كل المسلم على المسلم حرام دمه وماله وعرضه .
شوف رسولك قال ايه : يا معشر من آمن بلسانه ولم يدخل الإيمان قلبه لا
تغتابوا المسلمين ولا تَتَبَّعوا عوراتهم فإنه من اتَّبع عوراتهم يتَّبع
الله عورته ومن يتَّبع الله عورته يفضحه في بيته .
ادعو الله ان يصلح قلوب المسلمين ، وان يزرع الحب فى قلوبهم ، وينزع الحقد والغل والكره من نفوسهم .